البوابةالرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 البنات عندكم مناسبة على غفلة

اذهب الى الأسفل 
كاتب الموضوعرسالة
fadwa gasmi
عضو
عضو


عدد المساهمات : 26
تاريخ التسجيل : 09/11/2013

مُساهمةموضوع: البنات عندكم مناسبة على غفلة   السبت نوفمبر 09, 2013 5:41 pm

السلام عليكم البنات كيفما كتعرفو فوقت القراية ولا الخدمة كنكونو مشغولين مع الامتحانات والقراية ومعا العيا ديال الخدمة مكنبقاوش مهليين فراسناSad Sad  بحال اوقات الفراغ وكتولي البشرة ديالنا ماشي ناصعة وباين عليها لعيا ومنين كتجينا شي عراضة على غفلة كنبغيو نكونو غزالات ايوا وانا وجتليكم وصفات بساط بزااف ومكيخدوش الوقت بزاف ومتواجدة فديورنا كاملين بالنسبة للبشرة انا كنصحكوم باش ديرو كوماج اللي غادي نديرو فيه معلقة عدس مطحونة 2 معالق بودرة نيدو 3 معالق الماء ولا من الاحسن الما الورد كنديروها لمدة نصف ساعة ونبداو نفركو خصوصا الانف حيت كيتجمع الوسخ تماك بزاف (بالنسبة للعدس نتوما عارفين الفوائد ديالو حيت فيه الفيتامين B وهو مزيان للبشرة بزاف) هاد الماسك فعال بتجربة شخصية واللي بغات باش تبان بشرتها ناصعة غادي دير 2 معالق العسل الحر+عصير خيارة لمدة 15 دقيقة (اللي بشرتها حساسة من السكر بلا متديرو) دابا العينين :انا العينين ديالي ايلا كنت بغيت باش ترسم فيهم الكحلة مزيان والمكياج. بالليل منين نبغي نعس كندير البومادة الصفرة اللي معروفة انها كتصلح لكلشي ههه وراها تتنقي العينين من الاوساخ وكتصفيها وكتصفي حتى جفون العين فالصباح تتبنليك العين صافية مزيان. للشفايف : قبصة ملحة +زيت الزيتون ديرهم كوماج 5 دقائق. دابا ندوزو للاسنان :كاينة وصفة دقى بطلة كاتخدي فاخرة صغيرة كدقيها تتولي غبرة ونزيد عليه معلقة عصير الحامض ونحكو بيها السنينات .بالنسبة اللي مكتبغيش الفاخر دير غير عصير الحامض وشوية دالملحة حتى هما مزيانين بزاف هاد الوصفات تتحيد ديك الصفورية واللي بغات سنانها يلمعو تاخد قشرة ديال حامضة وتحك بيها. دابا اخيرا اليدين :كتخدي شوية ديال سكر الكلاصي +كريم ولا فازلين اللي موجود وكدلكو يديكم من 10 الى 15 دقيقة وكتغسلو بالماء وكدهنو يديكو بالكريم (انا كنفضل نيفيا). وهانتوما موجودات نتمنى الوصفات ديولي يعجبوكم.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
البنات عندكم مناسبة على غفلة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Le Bon Coin :: منتدى حواء :: الأناقة والجمال-
انتقل الى: